Batac City, Ilocos Norte – Arestado ng Batac City PNP ang Top 2 Provincial Most Wanted Person sa kasong Murder nito lamang ika-15 ng Nobyembre 2022.
Kinilala ni Police Lieutenant Colonel Adrian Gayuchan, Officer-In-Charge ng Batac City Police Station, ang suspek na si alyas “Nestor”, 63, may asawa, ex-Patrolman (PC/INP) at residente ng Batac City, Ilocos Norte.
Ayon kay PLtCol Gayuchan, bandang 2:10 ng hapon nang naaresto ang suspek sa kanyang tirahan ng mga operatiba ng Batac CPS katuwang ang Provincial Special Enforcement Team, Ilocos Norte PPO, Provincial Intelligence Unit-Ilocos Norte PPO, 101st Maneuver Company, Regional Mobile Force Battalion 1, at 144 Special Action Company/14 Special Action Batallion.
Dagdag pa ni PLtCol Gayuchan, naaresto ang suspek sa bisa ng Warrant of Arrest sa kasong Murder na walang rekomendadong piyansa.
Ang operasyon ng PNP ay naging matagumpay dahil sa patuloy na pakikipagtulungan ng mga mamamayan sa pagpapaigting ng kampanya laban sa mga taong may pananagutan sa batas.
Source: Batac CPS
Panulat ni PSSg Marvin Jake Romero
