Surigao del Norte – Nagsagawa ng Kapulisan, Simbahan at Pamayanan o KASIMBAYANAN Program ang Alegria PNP sa Grade VI students ng Alipao Elementary School, Alegria, Surigao del Norte nito lamang Martes, Nobyembre 15, 2022.
Ang aktibidad ay pinangunahan ni Police Staff Sergeant Golgat, Community Affairs and Development PNCO ng Alegria Municipal Police Station sa ilalim ng pangangasiwa ni Police Lieutenant Aireen Viador, Officer-In-Charge.
Kasama sa kanilang pagbisita sa nasabing eskwelahan si Pastor Frederick Lampad ng Bible Baptist Church kung saan nagsagawa ng lecture patungkol sa Project Vibes at spiritual guidance.
Ito ay bilang pakikiisa ng Alegria PNP sa 30th National Children’s Month na may temang “Kalusugan, Kaisipan, at Kapakanan ng Bawat Bata Ating Tutukan!”
Patuloy naman ang pagpupursigi ng Alegria PNP na mapalakas ang ugnayan ng Kapulisan, Simbahan at Pamayanan at tinitiyak na kaisa sa pagtutok sa mga bata upang magkaroon ng magandang kinabukasan.
Panulat ni Patrolman Jhunel Cadapan/RPCADU13
