Jolo, Sulu – Nasabat ng Jolo PNP ang Php300,000 halaga ng smuggled na sigarilyo sa Zone 3, Brgy. Tulay, Jolo, Sulu noong Nobyembre 15, 2022.
Ayon kay PLtCol Annidul Sali, Chief of Police, Jolo Municipal Police Station, habang nagpapatrolya ang kanyang mga tauhan sa Zone 3 ay may nakita silang kahon na naglalaman ng sigarilyo na pinaniniwalaang smuggled.
Nasa 30 na kahon ng smuggled na sigarilyo ang nasabat na may tinatayang halaga na Php300,000.
Ang mga nakumpiskang smuggled na sigarilyo ay pansamantalang dinala sa Jolo MPS para sa dokumentasyon at ituturn over sa Bureau of Customs para sa kaukulang disposisyon.
Mas papaigtingin pa ng Jolo PNP ang kanilang pagpapatrolya sa lugar ng sa gayon ay wala ng makapasok na kontrabando at mabawasan ang anumang uri ng krimen sa lugar.
Panulat ni Patrolman Mark Vincent Valencia
