Davao City – Tinatayang aabot sa Php114,880 halaga ng hinihinalang shabu ang nasabat sa isinagawang buy-bust operation ng PNP at PDEA sa Purok 8, Nile Street, Brgy. 19-B, Davao City, noong Nobyembre 15, 2022.
Kinilala ni PMaj Marvin Hugos, Station Commander ng San Pedro Police Station, ang suspek na isang menor de edad na si alyas “Jha”, 17, residente ng nasabing lugar.
Ayon kay PMaj Hugos, naaresto ang suspek sa isinagawang buy-bust operation ng pinagsamang tauhan ng San Pedro PS katuwang ang PDEA.
Dagdag pa ni PMaj Hugos, nakuha mula sa suspek ang ilang pakete ng hinihinalang shabu na may bigat na humigit kumulang na 7.18 gramo na may street market value na Php144,880 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Pinuri naman ni PBGen Benjamin Silo Jr., PRO11 Regional Director ang nasabing operasyon at nangako na ipagpapatuloy ng Police Regional Office 11 ang kampanya laban sa ilegal na droga sa lungsod upang maging payapa at makamit ang kaayusan ng bansa.
Panulat ni Patrolman Alfred Vergara
