Talisay, Camarines Norte – Arestado ng mga tauhan ng Talisay Municipal Police Station, ang Rank 1 Municipal Most Wanted Person para sa kasong Rape sa bayan ng Talisay, Camarines Norte nito lamang Lunes, Nobyembre 14, 2022.
Kinilala ni Police Major Conrado De Vera Jr, Chief of Police ng Talisay Municipal Police Station, ang naaresto na si alyas “Rap”, 48, may asawa, isang helper, balut vendor at residente ng Talisay, Camarines Norte.
Ayon kay PMaj De Vera Jr, inaresto ang akusado sa bisa ng Warrant of Arrest para sa kasong 2 Counts of Rape Defined under Article 266-A penalized under Article 266-B ng Revised Penal Code in relation to RA 7610 at walang rekomendadong piyansa para sa parehong kaso.
Ayon pa kay PMaj De Vera, paulit-ulit na minolestiya ni alyas “Rap” ang kanyang sariling anak na nagsimula pa noong taong 2019.
Ang Pambansang Pulisya kasama ang mamamayan ay tulong-tulong na madala sa rehas na bakal at pagdusahan ang kanilang mga pagkakasala ang mga taong lumapastangan at yumurak sa pagkatao ng mga kababaihan at kabataan.
Source: Camarines Norte PPO
