Plaridel, Bulacan – Matiwasay na nailunsad ng mga miyembro ng Plaridel Airport Police Station ang Tree Planting Activity sa Sitio Maharlika, Ma. Ramona, Brgy. Tabang, Plaridel, Bulacan nito lamang ika-14 ng Nobyembre 2022.
Ang nasabing aktibidad ay pinangunahan ni Police Lieutenant Rodel Soriano, OIC, sa direktang pangangasiwa ni Police Colonel Joy Tomboc, katuwang ang KALIGKASAN Advocacy Support Group.
Tinatayang nasa mahigit 50 piraso ng guyabano, mango, at rambutan fruit bearing trees ang naitanim ng nasabing grupo.
Ang naturang hakbangin ay sumasalamin sa kagustuhan ng ating Pambansang Pulisya katuwang ang iba’t ibang Advocacy Support Groups na makamit ang iisang hangarin na magkaroon ng mayabong, malinis at masaganang kapaligiran na magdudulot ng kaunlaran sa ating pamayanan.
