Zamboanga del Sur – Tinatayang Php340,000 halaga ng shabu ang nasabat sa isang suspek sa isinagawang buy-bust operation ng mga awtoridad nito lamang Martes, Nobyembre 14, 2022.
Kinilala ni Police Colonel Diomarie Albarico, Provincial Director ng Zamboanga del Sur Police Provincial Office, ang suspek na si alyas “Kadi”, High Value Target, 41, may asawa at residente ng Purok 1, Brgy. Sagadan, Baroy, Lanao del Norte.
Ayon kay PCol Albarico, bandang 7:30 ng gabi nang nahuli ang suspek sa Purok Mauswagon, Brgy. Blancia, Molave, Zamboanga del Sur ng mga operatiba ng Zamboanga Sibugay Police Mobile Force Company, Provincial Intelligence Unit ng Zamboanga del Sur Police Provincial Office, Aurora Municipal Police Station, at Molave Municipal Police Station
Nakumpiska sa suspek ang isang transparent plastic sachet na naglalaman ng hinihinalang shabu na may timbang na 50 gramo na nagkakahalaga ng Php340,000, caliber .38 revolver na may anim na pirasong bala, bundle na pekeng pera na ginamit bilang buy-bust money at isang Honda XRM.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy na paiigtingin ang kampanya kontra ilegal na droga at kriminalidad para sa mas mapayapa at ligtas na komunidad.
Panulat ni Patrolman John Ronald Tumonong/RPCADU 9
