Antique – Boluntaryong sumuko ang isang miyembro ng Communist Terrorist Group (CTG) sa mga tauhan ng Belison Municipal Police Station nito lamang ika-13 ng Nobyembre 2022.
Ayon kay Police Lieutenant Irene Danao, Officer-In-Charge ng Belison MPS, ang nagboluntaryo ay kabilang sa miyembro ng New People’s Army mula noong 1989 hanggang 1996, isinuko rin nito ang isang homemade .38 Cal revolver na walang serial number at bala.
Ang naturang pagsuko ng dating rebelde ay resulta ng pagtutulungan ng ating mga kapulisan upang hikayatin ang mga taga-suporta ng komunistang teroristang grupo para magbalik-loob sa ating gobyerno.
Dagdag pa, kinilala itong si “Ka Ronnie” na sasailalim sa debriefing at kwalipikadong tumanggap ng tulong pangkabuhayan sa ilalim ng Enhanced Comprehensive Local Integration Program o E-CLIP ng pamahalaan.
Ang Antique PNP ay hinihikayat ang mga aktibong miyembro ng komunistang grupo na sumuko upang mamuhay ng maayos at makamit ang kapayapaan tungo sa kaunlaran.
