Davao City – Tinatayang aabot sa Php244,160 halaga ng hinihinalang shabu ang nasabat sa isinagawang buy-bust operation ng PNP sa GTH Street, Mcleod beside Catch Eye Bar, Dumoy, Davao City, noong Nobyembre 14, 2022.
Kinilala ni PMaj Nelson Violan Jr, Acting Station Commander ng Baliok Police Station, ang suspek na si alyas “Al”, 42, residente ng Mcleod, Toril, Davao City na kabilang sa Street Level Drug Personality ng station level.
Ayon kay PMaj Violan, naaresto ang suspek sa isinagawang buy-bust operation ng mga tauhan ng Station Drug Enforcement Unit ng Baliok PS.
Dagdag pa ni PMaj Baliok, nakuha mula sa suspek ang ilang pakete ng hinihinalang shabu na may bigat na humigit kumulang 17.44 gramo na may street market value na Php244,160 at isang .38 caliber revolver na may kasamang apat na bala at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and Ammunition Regulation Act.
Ang pagkakadakip sa suspek ay resulta ng pakikipag-ugnayan ng kapulisan sa mga mamamayan upang makamit ang kaayusan at kapayapaan sa bansa.
Panulat ni Patrolman Alfred Vergara
