Misamis Oriental – Nagsagawa ng Tree Planting Activity ang mga tauhan ng Revitalized-Pulis sa Barangay Team Banglay sa Sitio Kihaw-as, Brgy. Banglay, Lagonglong, Misamis Oriental nito lamang Linggo ika-13 ng Nobyembre 2022.
Ang aktibidad ay aktibong nilahukan ng mga tauhan ng 58 Infantry Battalion ng Philippine Army, Barangay Officials at mga residente nito kasama ang R-PSB Team Banglay sa ilalim ng pangangasiwa ni Police Lieutenant Winfield Sarmiento, Team Leader.
Ang ganitong uri ng aktibidad ay paraan para maprotektahan ang kalikasan dahil sa patuloy na climate change at bawat isang puno na maitatanim ay malaking tulong na ito para labanan ang global warming.
Layunin na aktibidad ng mabigyan ng kamalayan ang mga kabataan at mga residente kung ano ang importansya ng pagtatanim ng puno at paano maisalba ang ating likas na yaman.
Panulat ni Patrolman Joshua Fajardo/RPCADU 10
