Toledo City, Cebu – Inilunsad ng mga tauhan ng Toledo City PNP ang Community Outreach Program na binansagang “Bata, Gipangga sa Pulis” na ginanap sa Magsaysay, Poblacion, Toledo City, Cebu nito lamang Sabado, Nobyembre 12, 2022.
Ang aktibidad ay pinangunahan ng Toledo City Police Station sa pangangasiwa ni Police Lieutenant Colonel Dennis De Guzman, Chief of Police, katuwang ang Family Juvenile Gender Sensitivity Section ng Provincial Community Affairs and Development Unit, Cebu Police Provincial Office sa pangunguna ni Police Major Reslyn D Abella at ang Women and Children Protection Desk ng Provincial Investigation and Detective Management Unit (PIDMU).
Tinatayang nasa 300 na mga bata kasama ang kanilang mga magulang ang napasaya at nabigyang aliw naman ang PRO7 DUO, at ng mga mascot ng PNP at BFP.
Nagkaroon din ng libreng gupit, pagpapalabas ng pelikula, at lecture tungkol sa karapatan ng mga bata na pinasinayaan ng mga opisyal ng Kabataan Kontra Droga at Terorismo (KKDAT) ng Toledo City.
Inilunsad ang programa bilang pagdiriwang at pakiisa sa National Children’s Month 2022 na may temang: “Kalusugan, Kaisipan, at Kapakanan ng Bawat Bata Ating Tutukan”.
Sa ilalim ng Peace and Security Framework ng PNP na 𝐌+𝐊+𝐊=𝐊 o 𝐌alasakit, 𝐊aayusan, at 𝐊apayapaan tungo sa 𝐊aunlaran”, ang programa ay bilang pagtupad sa mandato na pagyamanin ang maayos na relasyon ng Kapulisan, Simbahan at Pamayanan upang tugunan ang kapayapaan at seguridad ng bawat indibidwal at mapangalagaan ang mga karapatang pantao ng bawat mamamayan.
Layunin ng Pambansang Pulisya na patuloy na makapagbigay ng tulong sa ating mga kababayan lalong-lalo na sa mga bata na higit na nangangailangan at maghatid ng mga de-kalidad na serbisyo na kailangan at nararapat para sa sambayanang Pilipino at ng ating minamahal na bansa.
