Bulan, Sorsogon – Lumahok ang mga personahe ng Sorsogon 2nd PMFC sa isinagawang 1-day Basic Life Support Training ng Municipal Disaster Risk Reduction Management Office (MDRRMO) – Bulan na ginanap sa Bulan North School – A sa Barangay Aquino, Bulan, Sorsogon nito lamang Nobyembre 12, 2022.
Ang nasabing aktibidad ay aktibong nilahukan ni PLt Teddy Bahiwag Jr., PCAD PCO sa ilalim ng pangangasiwa ni PLtCol Edmundo Cerillo Jr., Force Commander ng nasabing yunit.
Dito ay ipinamalas ng ating mga kapulisan ang kanilang mga natutunan sa pagsagip ng buhay sa pamamagitan ng isang demonstrasyon.
Layunin ng nasabing pagsasanay na madagdagan ang mga kaalaman at kakayahan ng mga kapulisan sa mga hakbangin, pagtugon at pagligtas ng buhay.
