Bauan, Batangas – Arestado ng Bauan PNP ang isang lalaki sa kasong paglabag sa RA 10591 nang walang maipakitang dokumento ang kanyang baril sa La Correa St., Brgy. Poblacion 2, Bauan, Batangas nito lamang Sabado, Nobyembre 12, 2022.
Kinilala ni Police Colonel Pedro Soliba, Provincial Director ng Batangas Police Provincial Office, ang suspek na si alyas “Rayan”, 41, walang trabaho, residente ng Brgy. Cupang, Bauan, Batangas.
Ayon kay PCol Soliba, bandang 3:00 ng umaga naaresto ang suspek sa naturang barangay matapos mamataan na may baril na nakaumbok sa kanyang baywang nang rumorondang tauhan ng Bauan Municipal Police Station.
Narekober mula sa suspek ang isang caliber 45 na may serial number 253870, anim na bala, isang magazine at isang holster.
Nahaharap ang suspek sa kasong paglabag sa RA 10591 o “Comprehensive Firearms and Ammunition Regulation Act.
“Patuloy po kayong makipagtulungan sa ating kapulisan para sa kaligtasan ng lahat, magbigay ng impormasyon tungkol sa mga taong may mga ilegal na gawain at ipagbigay-alam agad sa awtoridad at patuloy na mag-ingat at maging mapagmatyag,” ani PCol Soliba.
Source: Batangas Police Provincial Office-PIO
Panulat ni PEMS Joe Peter Cabugon/RPCADU 4A
