Bikers sa Metro Manila, nakiisa sa Bisikleta Iwas Droga
Nakiisa ang mga bikers mula sa iba’t ibang lugar ng Metro Manila sa isinagawang Bisikleta Iwas Droga o BIDA ng PNP sa Kick-Off Ceremony ng Drug Abuse Prevention and Control Week 2022 nito lamang Linggo, ika-13 ng Nobyembre taong kasalukuyan.
Ang nasabing aktibidad ay sa pakikipag-ugnayan ng PNP sa Dangerous Drugs Board, MMDA, National Bicycle Organization at Food Panda.
Nag-umpisa naman ang bikers fun ride sa KM 0, Luneta Park at nagtapos naman sa Kampo Crame, Quezon City kung saan sina Senador Ronald “Bato” Dela Rosa, Chairman ng Senate Committe on Public Order and Dangerous Drugs; PNP Chief Police General Rodolfo Azurin, Jr; DDB Undersecretary Gilberto DC Cruz; at mga ibang miyembro ng PNP at MMDA ay sumama rin sa mga bikers.
Sa isinagawang programa, nagkaroon ng raffle draw sa mga sumali kung saan ang mga nanalo ay nakatanggap ng tatlong bagong bike at mga consolation prizes.
Sa pagtatapos ng programa, hinikayat ni Senator Bato na patuloy silang sumali sa mga aktibidad ng gobyerno hindi lang upang lumakas ang kanilang pangangatawan kundi upang sila’y ilayo sa ilegal na droga.
