Hingyong, Ifugao – Nakiisa ang Hingyon PNP sa 30th Children’s Month Celebration sa pamamagitan ng pagsasagawa ng PNP Community Outreach Program sa Humalophop Elementary School, Munpolia, Hingyon Ifugao nito lamang Nobyembre 10, 2022.
Ayon kay Police Lieutenant Dennis Binwag, Officer-In-Charge ng Hingyon Municipal Police Station, kaisa ng pulisya ang mga miyembro ng religious groups at KKDAT- Hingyon Chapter upang mapasaya ang humihigit kumulang sa 85 na mag-aaral mula Kinder hanggang Grade 6.
Sa programa, namahagi ng school supplies, tsinelas, samu’t saring damit at naghain din ng isang community lunch ang Hingyon PNP.
Nagsagawa din ng information drive na kung saan nagturo ng ispiritwal na kaalaman si Pastora Elisa Baywong.
Tinalakay naman ang mga paksang Education Campaign sa PANI-O, mga negatibong epekto ng Illegal Drugs, Anti-Bullying at RA 7610.
Ipinakilala rin ng kinatawan ng KKDAT na si Ms. Remalyne Tumitit sa mga mag-aaral ang Barkada Kontra Droga (BKD), isang programa ng KKDAT na naglalayong maimpluwensyahan ang mga kabataan na mag-aral ng mabuti at makisali sa mga sport activities para makaiwas sa tukso gaya ng mga masasamang bisyo.
Ang aktibidad ay naglalayong maipadama ng pulisya sa komunidad lalo na sa mga mag-aaral na ang pamahalaan ay nagmamalasakit sa kanilang kapakanan at maipakita na katuwang ang PNP upang palakasin ang moral ng mga mag-aaral na nagbibigay-inspirasyon at hikayatin na paghusayin ang kanilang pag-aaral para sa magandang kinabukasan.
Source: Hingyon Municipal Police Station
