Misamis Oriental – Arestado ang isang lalaki na sangkot sa isang aksidente matapos mahulihan ng Jasaan PNP ng hinihinalang shabu sa loob ng Jasaan Community Hospital, Purok 4, Riverside, Lower Jasaan, Misamis Oriental nito lamang Nobyembre 10, 2022.
Kinilala ni Police Major Maribeth Ramoga, Officer-In-Charge ng Jasaan Municipal Police Station, ang suspek na si Victor Carlo S. Udani, residente ng Parola, Brgy. Macabalan, Cagayan de Oro City.
Ayon ka PMaj Ramoga, bandang 3:30 ng hapon nang maaksidente ang suspek at agad sinugod sa naturang hospital. Nang napansin ng doktor ang kahina-hinalang gamit na nakapaloob sa kanang bulsa ng short pants ng suspek dahilan na tumawag sa Jasaan MPS ang pamunuan ng hospital.
Nakumpiska mula sa suspek ang limang paketeng hinihinalang shabu na may timbang na 25 gramo na nagkakalahaga ng Php170,000.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy na pinaiigting ng Jasaan PNP ang kampanya sa ilegal na droga tungo sa isang mapayapa, tahimik at maunlad na pamayanan.
Panulat ni Patrolman Edwin Baris/RPCADU 10
