Cebu City – Nagsagawa ng Community Outreach Program ang mga tauhan ng Police Regional Office 7 sa Sitio Langub, Barangay Kalunasan, Cebu City nito lamang ika-9 ng Nobyembre 2022.
Ang aktibidad ay pinangunahan ng Division Chief ng Regional Community Affairs and Development Division, Police Colonel Antonietto Cañete sa ilalim ng direktang pangangasiwa ni Police Brigadier General Roderick Augustus Alba, Regional Director katuwang ang mga tauhan ng Cebu City Police Office- Station 9 sa pangunguna ni Police Major Armando Labora, KKDAT, Force Multipliers at Barangay Officials sa pangunguna ng kanilang Barangay Captain na si Hon. Nunilon Monares.
Sa naturang programa ay masayang ipinamahagi ang mga food packs at hygiene kits na mula sa PRO7 Food Bank sa mga residente ng Barangay Kalunasan na naging biktima ng sunog.
Lubos naman ang pasasalamat ng mga naging benepisyaryo sa tulong na kanilang natanggap.
Ang aktibidad na ito ay kaugnay sa Peace and Security Framework ng kasalukuyang Hepe ng Pambansang Pulisya na si Police General Rodolfo S Azurin Jr, ang MKK=K o Malasakit, Kaayusan, Kapayapaan tungo sa Kaunlaran.
Layunin ng kapulisan ng PRO 7 katuwang ang iba’t ibang ahensya ng gobyerno na matulungan ang ating mga kababayang nangangailangan lalo na ang mga naging biktima ng sunog at nasalanta ng nagdaang bagyong Paeng at ipadama ang pagmamahal at pagkalinga sa kanilang mga nasasakupan.
Panulat ni Patrolwoman Jenilyn Consul
