Sultan Kudarat – Arestado ang walong miyembro ng Robbery Gang o mas kilalang Lucas Group sa isinagawang Hot Pursuit Operation ng Sultan Kudarat PNP sa Mamali, Lambayong, Sultan Kudarat noong ikaw-8 ng Nobyembre 2022.
Kinilala ang mga nahuli sa kanilang mga alyas na pinapangunahan ni alyas “Lucas”, 44; “Guiamalon”, 22; “Andoy”, 32; “Munkas”, 20; “Kanakan”, 46; “Mamo”, 28; “Sanganya”, 35; at si alyas “Tawo Tawa”, 27, at pawang mga residente ng Barangay Paidopolangi, Pikit, North Cotabato.
Batay sa ulat ng mga otoridad, sangkot umano ang naturang grupo sa mga sunod-sunod na pangyayaring panghohold-up sa iba’t ibang bayan sa Probinsya ng Sultan Kudarat.
Narekober sa mga suspek ang isang Colt caliber 45 pistol na may kasamang magazine at 3 bala, 8 bala Cal. 45, isang handgrenade, improvised tooter, at 11 piraso ng transparent plastic sachet ng hinihinalang shabu na may humigit kumulang na 1.5 gramo na may tinatayang halaga na Php10,200. At dalawang yunit ng Bajaj CT 100, isang Honda XRM 125, at isang Black Nissan Navarra.
Binigyang papuri naman ni PBGen Jimili Macaraeg, PRO 12 Regional Director, ang mga operatiba ng Lambayong MPS, Tacurong City Police Station, President Quirino MPS, Provincial Intelligence Team Sultan Kudarat (PIT SK), Regional Intelligence Unit (RIU) 12, Sultan Kudarat Provincial Intelligence Unit (SKPIU), 1202nd COY, Regional Mobile Force Battalion (RMFB) 12, 1st Sultan Kudarat Provincial Mobile Force Company (SKPMFC), Regional Intelligence Division (RID) 12 Tracker team-delta at 14th Mechanized Company, 1st Mechanized Battalion sa matagumpay na pagkakadakip sa mga naghahasik ng kriminalidad sa naturang probinsya.
Tiniyak naman ng PRO12 na mas lalo pa nitong hihigpitan ang pagpapatupad ng seguridad sa rehiyon tungo sa kaligtasan ng publiko.
Source: Police Regional Office 12 – Public Information Office
Panulat ni Patrolman Khnerwin Jay A Medelin
