Claveria, Misamis Oriental – Arestado ang isang lalaki sa kasong Rape ng Cagayan de Oro City PNP at Claveria PNP sa Purok 7, Sitio Haruhay, Claveria, Misamis Oriental nito lamang Lunes, Nobyembre 7, 2022.
Kinilala ni Police Major Rutherforf Ondin, Station Commander ng Cagayan de Oro City Police Station 10, ang naarestong suspek na si alyas “Datu Pagahion”, 47, Lider ng Informal Settler sa Tablon, Cagayan de Oro City at residente ng Purok 11, Baloy, Brgy. Tablon, Cagayan de Oro City.
Ayon kay PMaj Ondin, bandang 3:53 ng hapon naaresto ang suspek ng mga tauhan ng Cagayan de Oro City Police Station 10 at Claveria PNP sa bisa ng Warrant of Arrest sa kasong Rape na walang rekomendadong piyansa.
Ang pagkakadakip sa suspek ay resulta ng pagpapaigting ng Police Regional Office 10 sa kampanya laban sa kriminalidad para sa kaayusan at kapayapaan sa komunidad tungo sa kaunlaran ng rehiyon.
Panulat ni Patrolman Joshua Fajardo/RPCADU 10
