Davao del Norte – Arestado ang isang lalaki sa patuloy na isinasagawang Manhunt Charlie operation ng Tagum PNP sa Osmeña Extention, Brgy. West, Tagum City, Davao del Norte, noong Nobyembre 6, 2022.
Kinilala ni PLtCol Jay Dema-Ala, Acting Chief of Police ng Tagum City Police Station, ang suspek na si alyas “Jobert”, 26, residente ng Purok 5, San Isidro, Brgy. La Filipina, Tagum City na tinaguriang Most Wanted Person sa regional level.
Ayon kay PLtCol Dema-Ala, inaresto ang suspek sa bisa ng Warrant of Arrest sa kasong 5 Counts ng Statutory Rape at walang piyansang inirekomenda.
Ang pagkakadakip sa suspek ay resulta ng patuloy na pagsisikap ng Police Regional Office 11 na hulihin ang mga wanted person sa rehiyon onse.
Panulat ni Patrolman Alfred Vergara
