San Juan, Batangas – Dalawang grupo ng CPP-NPA-NDF Affected Mass Organizations (CAMOs) ang tumuligsa sa suporta sa Communist Terrorist Group sa Barangay Laiya Aplaya, San Juan, Batangas bandang 9:30 ng umaga nitong Nobyembre 6, 2022.
Ang aktibidad ay pinangunahan ng 1st Batangas Provincial Mobile Force Company sa pamumuno ni Police Lieutenant Johniel Garcia, 59th Infantry Battalion-Philippine Army, San Juan Municipal Police Station sa pamumuno ni Police Captain Pedrito Delica, Provincial Intelligence Unit, Batangas-Regional Intelligence Unit, 300 SMG at Eugenio Villanueva Committee Peace and Order.
Mga miyembro ng Haligi ng Batangueñong Anak Dagat (HABAGAT) at Samahan ng Mangingisda at Kababaihan sa Balacbacan (SMKB) ang tumuligsa sa mga aktibidad ng CPP-NPA-NDF at tumiwalag sa kani-kanilang mga progresibong grupo.
Nagkaroon ng panunumpa, pagsagawa ng sinumpaang affidavit at sinundan ng pagsunog ng watawat ng CPP-NPA-NDF bilang pagtalikod at boluntaryong pag-alis sa mga teroristang grupo.
Ang walang humpay at pinagsama-samang pagsisikap ng PNP katuwang ang AFP at iba pang sektor ng pamahalaan sa pagpapaigting ng operasyon sa pagbuwag ng grupong CTG ay malaking tulong para maisakatuparan ang mas ligtas, maayos, at mapayapang komunidad sa Batangas.
Panulat ni Police Staff Sergeant Donabel Dulin
