Southern Leyte – Aktibong nakilahok ang mga tauhan ng Southern Leyte Police Provincial Office sa isinagawang Bloodletting Activity sa Manhilo Gym, Brgy. Manhilo, Maasin City, Southern Leyte nitong Sabado, Nobyembre 5, 2022.
Ang aktibidad ay pinangunahan ng Maasin City Eagles Club, Philippine Red Cross, at City Health Unit III na masugid na sinuportahan ni Police Colonel Hector F Enage, Provincial Director kasama ang mga tauhan nito.
Humigit kumulang 100 mula sa hanay ng PNP ang matagumpay na nakapag-donate ng kanilang dugo.
Ang ganitong aktibidad ay pumapaloob sa iisang mithiin ng kapulisan na makapagbigay ng serbisyong tunay at may malasakit.
