General Santos City – Mainit na pinaunlakan at pinasalamatan ng Indigenous Peoples (IPs) ang mga estudyante ng Basic Internal Security Operations Course (BISOC) CL 38-43-2022 “PINAGSANIB” dahil sa mga dala nitong serbisyo kaugnay sa kanilang 5 Days Community Immersion Program sa Purok Bagong Silang, Barangay San Jose, General Santos City nito lamang Nobyembre 5, 2022.
Ang opening ceremony ng naturang programa ay pinangunahan ni Police Colonel Rogelio Raymundo Jr, PRO 12, Deputy Regional Director for Operations (DRDO) kasama sina Police Colonel Gilberto Tuzon, Chief Regional Community Affairs and Development Division at City Director ng General Santos City Police Office na si Police Colonel Jomar Alexis Yap.
Dumalo rin sa aktibidad sina Arnel D Lozada, Project Director ng Koronodal Lions Club; Dr. Mary Jane Calixton Dela Cruz, President South Cotabato Optometric Society; Janeth Calvo, RN; kasama ang iba pang miyembro ng Koronodal Lions Club at Philippine Army.
Naghandog ang mga ito ng Operation Tuli, Diabetes Screening, Blood Typing, pamamahagi ng libreng Salamin o Reading Glasses base sa resulta ng kanilang isinagawang Vision Screening (Eyesight) na may kasamang mga gamot at bitamina.
Samantala, ang 87 na Female Student ng BISOC ay namahagi rin ng mga food packs at school supplies.
Dagdag pa rito, magpapatayo rin ang BISOC Students ng isang Multi-Purpose Hall at dalawang palikuran.
Tinitiyak naman ng Police Regional Office 12 sa pamumuno ni Police Brigadier General Jimili Macaraeg, Regional Director, na sa limang araw na pamamalagi ng BISOC Student sa Sitio Bagong Silang ay pipilitin nitong abutin at mailapit ang serbisyo ng pamahalaan para masolusyunan ang kanilang mga natatamasang problema bilang pagtalima sa programa ng PNP na MKK=K o Malasakit, Kaayusan, Kapayapaan tungo sa Kaunlaran.
Panulat ni Patrolman Khnerwin Jay A Medelin
