Makilala, Cotabato – Timbog ang isang Top 2 Provincial Most Wanted sa isinagawang Manhunt Operation ng Makilala PNP sa Sitio Malumpini, Brgy Old Bulatukan, Makilala, Cotabato noong ika- 4 ng Nobyembre 2022.
Kinilala ni Police Lieutenant Colonel Jojet Ferrer Nicolas, Chief of Police ng Makilala Municipal Police Station, ang suspek na si alyas “Jhon”, residente ng Purok Lansones New Bulatukan, Makilala, Cotabato.
Ayon kay PLtCol Nicolas, naaresto si Jhon bandang 1:00 ng hapon sa isinagawang operasyon ng mga tauhan ng Makilala MPS, 1202nd Regional Mobile Force Battalion 12, Provincial Intelligence Unit, Regional Intelligence Unit 12 at Criminal Investigation and Detection Group North Cotabato sa bisa ng Warrant of Arrest sa kasong Rape.
Ang Pambansang Pulisya ay hindi titigil sa kampanya laban sa pagsugpo sa mga kriminalidad, ilegal na droga at terorismo para sa kaligtasan ng mamamayan at ng bansa.
Source: Makilala MPS
Panulat ni Police Corporal Fernan Archie Palabrica
