Nagbahagi ng kaalaman ang mga tauhan ng Santa Fe Police Station sa pangunguna ni Police Major Angelo Dasalla sa mga estudyante na ginanap sa Barangay Imugan Santa Fe, Nueva Vizcaya nito lamang ika-4 ng Nobyembre 2022.
Mga Grade 5 at 6 ng Imugan Elementary School at mga high school students ng Kalahan Academy ang aktibong nakinig sa talakayan.
Layunin ng aktibidad na maimulat ang kaisipan ng mga kabataan at madagdagan ang kanilang kaalaman sa masamang maidudulot ng paggamit ng ipinagbabawal na gamot.
Kaugnay din nito ang mga parusa na kapag gumamit o nagbenta ng ipinagbabawal na gamot.
Ang Pambansang Pulisya ay magpapatuloy sa pagbibigay kaalaman tungkol sa ipinagbabawal na gamot lalo na sa mga kabataan, upang sila ay maiwas sa paggamit nito na magiging dahilan ng pagkawasak ng kanilang kinabukasan.
Source: Sta. Fe Police Station
Panulat ni PCpl Harry B Padua
