Nakiisa at tumulong ang Solana Police Station sa pamamahagi ng food packs at relief goods sa mga residente ng tatlong barangay ng Solana, Cagayan na isinagawa noong Nobyembre 3, 2022.
Ayon kay Police Lieutenant Colonel Darwin John B Urani, Acting Chief of Police, mga residente ng Barangay Malalam Malacabibi, Dassun at Sitio Ipil Bauan East, Solana, Cagayan ang mga naging benepisyaryo.
Nasa 1,767 pamilya na apektado ng bagyong Paeng ang pumila at nakatanggap ng mga relief goods.
Naging matagumpay ang pagpapaabot ng tulong sa mga nasalanta ng bagyo dahil sa lokal na pamahalaan ng nabanggit na munisipalidad.
Ang Pambansang Pulisya ay hindi lamang magseserbisyo para sa seguridad ng pamayanan bagkus ay patuloy na kaagapay ng pamahalaan sa pagpapa-abot ng tulong sa mga kababayan nating biktima ng mga kalamidad.
Source: Solana Police Station
Panulat ni Police Corporal Carla Mae P Canapi
