Nagsagawa ng bike patrol ang Naguilian PNP sa pangunguna ni Police Major Junneil Perez, Acting Chief of Police sa iba’t ibang dakong barangay ng Naguilian, Isabela noong Nobyembre 3, 2022.
Ang bike patrol ay isinagawa para sa tugon sa paraan ng pagsugpo at pagpigil ng kriminalidad sa lipunan.
Sa pamamagitan nito, mabibigyang pansin ng bawat pamayanan na ang kapulisan ay nagmamasid lamang upang pigilan ang anumang krimen na maaaring maganap sa paligid.
Nakasuot naman ng Santa cap ang ibang kapulisan sa pag-iikot bilang pagpapakita na pananatilihin ng kapulisan ang kapayapaan sa darating na kapaskuhan at pagsalubong ng bagong taon.
Layunin ng kapulisan na mapanatili ang kapayapaan hindi lamang sa kapaligiran kundi pati na rin sa bawat puso ng mamamayan upang magkaroon sila ng panatag na pakiramdam dahil ang kapulisan ay patuloy na papatnubay upang krimen ay lumubay.
Source: Naguilian Police Station
Panulat ni PSSg Jerlyn V Animos
