Cagayan de Oro City – Isinagawa ng Cagayan de Oro City PNP ang Taos Pusong Handog ni City Director na may temang “Higalang Pulis, Kaagapay, Kailanman” sa Jollibee Diversion Road, Kauswagan, Cagayan de Oro City nito lamang Biyernes, Nobyembre 4, 2022.
Ang programa ay pinangunahan ni Police Colonel Aaron Mandia, City Director ng Cagayan de Oro City Police kasama sina Police Lieutenant Colonel Duphar Chris Cuaresma, Deputy City Director for Administration at Police Lieutenant Colonel Evan Viñas, Chief Community Affairs and Development Unit/Public Information Office.
12 indigent family at 52 na bata na galing sa mga Hinterlands Barangays ang naging benepisyarsyo ng programang Taos Pusong Handog ni City Director “Higalang Pulis, Kaagapay, Kailanman”.
Nagkaroon ng palaro at pinagsaluhan ang masarap na Jollibee meals na nagbigay saya sa mga ngiti ng ating mga kabataan at magulang.
Ang naturang aktibidad ng Cagayan de Oro PNP ay isang paraan upang matulungan at mabigyan ng saya ang mga bata at indigent na pamilya na makisaya sa mga programa ng Pambansang Pulisya upang mas maging matatag ang ugnayan sa ating mga katutubong kapatid na target ng makakaliwang grupo.
Panulat ni Patrolman Joshua Fajardo/ RPCADU 10
