Antipolo City – Arestado ang isang warehouseman ng Rizal PNP sa kasong Frustrated Murder sa NHA Ave., Sitio Padilla, Brgy. San Isidro, Antipolo City bandang 9:10 ng umaga nito lamang Huwebes, Nobyembre 3, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si Richard Lumbab, 32, warehouseman, residente ng Quezon Avenue Sub-construction, Quezon City.
Ayon kay Police Colonel Baccay, bandang 12:40 ng hapon nang rumesponde ang mga tauhan ng Criminal Investigation and Detection Group, Rizal Police Provincial Office, nang may narining na putok ng baril at kaagad naaresto ang suspek.
Narekober mula sa suspek ang isang Smith and Wesson caliber 38 na may malabong serial number, 37 na bala, limang basyo ng bala, isang jungle bolo, isang kitchen knife, isang itim na bag, isang sling bag, isang ammunition pouch at isang black na bonnet.
Nahaharap sa kasong Frustrated Murder ang suspek.
Ang pagkakahuli sa suspek ay resulta ng mabilis na pag-aksyon ng Rizal PNP sa pagsugpo ng anumang uri ng kriminalidad upang patuloy na manatiling ligtas, maayos at mapayapa ang komunidad.
Source: Rizal Police Provincial Office
Panulat ni Police Executive Master Sergeant Joe Peter Cabugon
