Eastern Samar – Patuloy ang pagsasagawa ng PNP Community Outreach Program ang mga tauhan ng 1st Eastern Samar Provincial Mobile Force Company sa Brgy. 13, Dolores, Eastern Samar nitong Huwebes, Nobyembre 3, 2022.
Ang aktibidad ay matagumpay na isinagawa sa pangunguna ni Police Lieutenant Angelyn Glou Cortado, PCAS Officer, sa ilalim ng pangangasiwa ni Police Lieutenant Colonel Jonathan Momo, Acting Force Commander katuwang si Hon. Maria Leni Tan, Punong Barangay at miyembro ng Company Advisory Group for Police Transformation and Development.
Naging benepisyaryo ng naturang aktibidad ang 46 Day Care pupils na nabigyan ng P.N.P. C.A.R.E.S. project o ang Pencil, Notebook, Paper, Crayons, Artbook, Ruler, Eraser, Sharpener.
Ang proyekto ay nilalayong makapagbigay ng munting tulong sa mga mag-aaral sa kanilang mga pangangailangan sa paaralan.
Nagbigay saya at aliw naman ang PCAS Hoofers sa pangunguna ni Police Corporal Gregy Orendain, PCAS PNCO, sa pamamagitan ng mga parlor games, dance number at pagbibigay ng simpleng meryenda para sa mga bata.
Ang ating kapulisan ay patuloy sa pagbibigay ng maganda at maayos na serbisyo sa publiko upang mas mapaigting ang ugnayan ng PNP at komunidad.
