Pinangunahan ni Police General Rodolfo S Azurin, Jr ang turnover of office ng Police Community Affairs and Development Group (PCADG), Civil Security Group (CSG), at Area Police Command-Visayas (APC-Vis) sa isang tradisyonal na seremonya na ginanap sa PNP Multi-Purpose Center, Camp BGen Rafael T Crame, Quezon City nito lamang umaga ng Huwebes, ika-3 ng Nobyembre taong kasalukuyan.
Sa PCADG, uupo bilang Acting Director si PCol Lou F Evangelista kapalit ni PCol Patrick Joseph G Allan na ma-aassigned sa PRO Cordillera. Sa CSG naman, papalitan ni PMGen Edent T Ugale bilang Director si PMGen Michael John F Dubria na sya namang magiging Acting Commander sa APC-Vis.
Bilang simbolo ng pagtanggap sa inatas na posisyon at tungkulin, nagkaroon ng turnover of Office Symbol and Property Equipment Inventory Book ang mga nasabing opisyales ng PNP.
Ginawaran din sila ni PNP Chief General Azurin, Jr ng Medalya ng Kasanayan bilang pagkilala sa kanilang serbisyo at pagiging liderato ng mga nasabing opisina.
Samantala sa naturang seremonya, nagkaroon din ng Reading and Signing of Assumption of Office ang mga umupong opisyal.
Sa pagtatapos ng programa, binati ni PGen Azurin, Jr ang mga bagong talagang opisyal sa PCADG, CSG, at APC-Vis, pati na rin ang mga outgoing Director nito kasabay ng kanyang guidance sa kanila na lalong pag-igihan ang mga plans and programs ng mga nasabing opisina.
