Samar – Arestado ang isang High Value Individual ng Calbayog City Police Station sa isinagawang buy-bust operation sa P3 Brgy. Carmen, Calbayog City, Samar nito lamang Martes, Nobyembre 1, 2022.
Kinilala ni Police Lieutenant Colonel Ericson Del Rosario, Chief of Police ng Calbayog City Police Station, ang naaresto na si alyas “Mark”, 42, isang High Value Individual at residente ng P1 Brgy. Obrero, Calbayog City.
Ayon kay PLtCol Del Rosario, naaresto ang suspek bandang 3:30 ng hapon ng mga operatiba ng Calbayog CPS – Station Drug Enforcement Team sa pangunguna ni Police Executive Master Sergeant Paulo Y Calades.
Narekober sa suspek ang 13 plastic sachet na naglalaman ng hinihinalang shabu na nasa humigit kumulang anim na gramo na may estimated market value na Php40,800, Caliber .45 pistol, isang magazine, 19 live ammunitions at iba pang drug paraphernalia.
Nahaharap ang suspek sa paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Patuloy ang buong Calbayog City PNP sa pagsasagawa ng operasyon laban sa ilegal na droga at kriminalidad para makamit ang isang mapayapa, tahimik at maunlad na komunidad.
