Nagsagawa ng Feeding Program ang mga miyembro ng Tuguegarao City Airport Police Station sa mga residente ng Barangay Gosi, Tuguegarao City, Cagayan nito lamang Nobyembre 2, 2022.
Ayon kay Police Captain Rowena Charity Morgado, Hepe ng Tuguegaro City APS, 175 na residente ng Barangay Gosi ang pumila sa kanilang inihandang mainit na sopas.
Ang mga residenteng pumila ay nakaranas ng pagbaha dahil sa malakas na ulan na dulot ng nagdaang bagyong Paeng at dahil na din sa pagbukas ng mga gate ng Magat Dam sa Isabela na dumaloy patungong lalawigan ng Cagayan na nagsanhi ng malawakang baha sa probinsya.
Ngiti at pasasalamat ang nasambit ng mga benepisyaryo dahil ang kanilang barangay ang napiling tulungan ng istasyon.
Samantala, magpapatuloy ang Aviation Security Unit 2 sa pamumuno ni Police Colonel Renato Mallonga sa pagtulong at pagpapakita ng malasakit sa kapwa alinsunod sa PNP Framework na M+K+K=K o Malasakit, Kaayusan, Kapayapaan tungo sa Kaunlaran.
Source: Tuguegarao City Airport Police Station
Panulat ni Police Corporal Carla Mae P Canapi
