Southern Leyte – Nagsagawa ng coastal clean-up drive ang mga tauhan ng Southern Leyte PNP sa Mahaba Beach Resort, Brgy. Tangkaan, Padre Burgos, Southern Leyte nitong Lunes, Oktubre 31, 2022.
Magkatuwang ang First Southern Leyte Provincial Mobile Force Company sa pamumuno ni Police Lieutenant Colonel Geraldo Benjamin Avengoza, Force Commander at Padre Burgos Municipal Police Station sa pangunguna ni Police Chief Master Sergeant Baby Fe Cormero, DECOP sa pagsasagawa ng aktibidad.
Nakakolekte ang grupo ng humigit kumulang sampung sako ng iba’t ibang basura galing sa naturang dalampasigan.
Kasama ng mga kapulisan ang mga miyembro ng Alpha Phi Omega fraternity and sorority Sogod Bay Alumni Association at Sogod Bay Cycling Club sa pamumuno ni Alfer Sibi Madredijo, Alumni President.
Layunin ng kaganapang ito na mapanatili ang kalinisan ng ating karagatan na isa sa pinagmumulan ng ating kabuhayan.
Ang inisyatiba na ito ay nagpapakita ng pagmamalasakit at pag-aalaga sa ating kapaligiran.
