Puerto Princesa City – Siniguro ng Puerto Princesa PNP ang maayos at tahimik na paggunita sa araw ng UNDAS 2022 sa lungsod ng Puerto Princesa nito lamang ika-1 ng Nobyembre 2022.
Nagpatayo ng Police Assistance Desk para sa Ligtas UNDAS 2022 ang mga tauhan ng Puerto Princesa City Police Office sa lahat ng pribado at pampublikong sementeryo.
Pinangunahan ni Police Colonel Roberto Bucad, City Director ng PPCPO kasama ang mga kapulisan ng Puerto Princesa City Police Office.
Ayon kay PCol Bucad ang mga kapulisan ng PPCPO ay nagbantay sa ating mga sementeryo, mga terminal at sa mga kalsada ng lungsod.
Ayon pa kay PCol Bucad, mahigpit din nilang ipinagbawal sa lahat ng mga bumibisita sa sementeryo ang pagdadala ng mga deadly weapon, baraha, alak at iba pa.
Layunin nitong tiyakin ang kaligtasan at seguridad ng lahat upang maiwasan ang anumang krimen na maaaring mangyari at mahigpit pa din nilang ipinapatupad ang minimum safety protocols ng COVID-19 dahil sa pagdagsa ng mga tao na bumisita sa mga sementeryo.
Source: Puerto Princesa City Police Office
Panulat ni Patrolman Erwin Calaus
