Binigyan ng parangal ni Philippine National Police Chief, Police General Dionardo B. Carlos ang apat (4) na tauhan ng Special Action Force na sugatan habang nakikipaglaban sa mga Communist Terrorist Group (CTG) sa Gamay, Northern Samar.
Mula Bicol, ang hepe ng pambansang pulisya ay lumipad diretso sa Eastern Visayas Regional Medical Center sa Tacloban City upang personal na parangalan ng Medalya ng Sugatang Magiting (PNP Wounded Personnel Medal) ang mga sugatang tropa sa pagkilala sa kanilang magiting na sakripisyo at kabayanihan na kanilang ipinakita.
“Binigyan ko na ng direktiba si PBGen. Rommel Bernardo A Cabagnot, RD, PRO8 na bigyang pansin ang mga pangangailangan ng mga sugatang SAF troopers”, ani PGen Carlos.
Binigyan din ni PGen Carlos ng tig- Php100,000 cash assistance ang apat (4) na SAF Troopers.
Samantala, binisita rin ni CPNP ang labi ng dalawang (2) namatay sa engkwentro at ipinag-utos na dalhin ito sa Maynila kung saan naghihintay ang kanilang mga mahal sa buhay.
Samantala, pinaghahanap na ngayon ng mga operatiba ang mga salarin ng nasabing engkwentro.
Photo Credit: Police Regional Office 8
#####
Panulat ni: Police Senior Master Sergeant Reynaldo D Pangatungan
