Boluntaryong sumuko sa mga tauhan ng Regional Mobile Force Battalion (RMFB) 7 ang nasa anim na miyembro ng Communist Terrorist Group (CTG) noong Lunes, Oktubre 31, 2022 sa Brgy. Poblacion, Santa Catalina, Negros Oriental.
Ayon kay Police Lieutenant Colonel Ronan Claraval, Force Commander, ang mga sumuko ay kabilang sa pangkat ng NPA Terrorist Squad at Local Guerrilla Unit, SEF KR-NCBS sa ilalim ng Rachel Mae Palang Command (NON-PSR LISTED).
Kasabay ng pagbabalik-loob sa pamahalaan, kanila ring isinuko ang ilang unit ng baril kabilang na ang isang unit ng Colt AR15 caliber 9mm; isang improvised M16 Riffle; isang Cal .45; at isang 5.56 Frontier.
Ang naganap na pagsuko ay resullta at bahagi ng matagumpay na kampanya ng RMFB 7 sa pagsugpo ng terorismo sa rehiyon.
Siniguro naman ng mga sumuko na tatalima at susunod sa pamahalaan at makikipagtulungan upang tuluyang matuldukan ang insurhensiya sa bansa.
Minabuti namang itago ang mga pagkakakilanlan ng mga sumuko para sa kanilang kaligtasan at kaayusan.
