Romblon – Mabilis na nagsagawa ng Road Clearing Operation ang mga tauhan ng Banton Municipal Police Station sa Brgy. Tumalum, Banton, Romblon noong ika-30 ng Oktubre 2022.
Ang aktibidad ay pinangunahan ni Police Lieutenant John Anthony Pajarillo, Officer-In-Charge ng Banton MPS katuwang ang mga tauhan ng Municipal Disaster Risk Reduction Management Office, Bureau of Fire Protection, Philippine Coast Guard at mga Barangay Officials.
Agarang tinanggal ang mga putik at mga sanga ng mga punong bumagsak na sanhi ng malakas na ulan at hanging dala ng bagyong “Paeng” upang makadaan muli ang mga sasakyan.
Layunin ng ating mga kapulisan na panatilihing ligtas ang mga mamamayan lalo na sa panahon ng kalamidad na ganito.
Source: Banton MPS
Panulat ni Patrolman Erwin Calaus
