Lucena City – Nagsagawa ng OPLAN Sita kaugnay sa programang “Ligtas Undas 2022” ang Lucena PNP at Force Multipliers sa kahabaan ng Quezon Avenue Extension, Brgy. Cotta, Lucena City nito lamang Lunes, Oktubre 31, 2022.
Pinangunahan ng Lucena City Police Station sa ilalim ng suberbisyon ni Police Lieutenant Colonel Reynaldo Reyes, Chief of Police, katuwang ang Cotta Substation at Barangay Peace-keeping Action Teams (BPATs).
Nagsagawa ng superbisyon sa daloy ng trapiko at pag-iinspeksyon sa mga dumadaang residente na papunta sa mga sementeryo upang makasiguro na nasusunod ang minimum safety & health protocols at ang pagkumpiska sa mga ipinagbabawal na mga gamit tulad ng alak, itak at iba pang matutulis na bagay.
Layunin ng aktibidad na mapanatili ang kaayusan at paigtingin ang seguridad upang maiwasan ang anumang krimen na maaaring maganap sa panahon ng undas.
