Bacolod City – Timbog ang isang babae sa isinagawang buy-bust operation ng pulisya sa Sharina Heights, Brgy. Taculing, Bacolod City, nito lamang ika-27 ng Oktubre 2022.
Kinilala ni Police Lieutenant Colonel Mark Anthony Darroca, Hepe ng Regional Police Drug Enforcement Unit 6, ang suspek na si Mary Nessa Ong y Ardiente alyas “Tata”, 40, may asawa, college undergraduate at residente ng Brgy. 22, Bacolod City na kabilang sa priority Top 10 ng mga High Value Individual.
Ayon kay PLtCol Darroca, nahuli ang suspek ng pinagsanib na pwersa ng Regional Police Drug Enforcement Unit 6, Station Drug Enforcement Team ng Bacolod City, PS6 at Philippine Drug Enforcement Agency Regional Office 6.
Dagdag pa ni PLtCol Darroca, naaresto ang suspek matapos mabilhan ng Police Poseur Buyer ng tatlong piraso ng heat-sealed transparent plastic sachet na naglalaman ng hinihinalang shabu na nagkakahalaga ng Php30,000.
Ayon pa kay PLtCol Darroca, narekober sa suspek ang buy-bust money, isang piraso ng Php500 bill, 29 na piraso ng Php1,000 bill, fake money, isang gold pouch, isang brown na sobre, 10 na piraso ng heat-sealed transparent plastic sachet na naglalaman ng hinihinalang shabu, isang knot-tied transparent plastic bag na naglalaman hinihinalang shabu, isang Camel cigarette pack, dalawang face mask, cash na nagkakahalaga ng Php1,100 na pinaniniwalaang kinita sa ilegal na droga, isang unit ng Techno cellular phone at isang unit ng keypad cellular phone.
Tinatayang may timbang na 100 gramo ng hinihinalang shabu ang kabuuang nakumpiska sa suspek na nagkakahalaga ng Php680,000.
Nahaharap ang suspek sa kasong paglabag sa Republic Act 9165 o ang Comprehensive Dangerous Drugs Act of 2002.
Ang Bacolod City PNP ay patuloy sa pagsugpo sa lahat ng uri ng kriminalidad upang mapanatili ang kaayusan at katahimikan sa kanilang nasasakupan.
