Dumaguete City, Negros Oriental – Isang tulak ng droga ang dinakip ng mga pulisya matapos makuhanan ng mahigit Php2.7 milyong halaga ng shabu sa ikinasang buy-bust operation sa Purok Star Apple, Barangay Cadawinonan, Dumaguete City, Negros Oriental nito lamang Biyernes, ika-28 ng Oktubre 2022.
Kinilala ni Police Colonel Jonathan Pineda, Provincial Director ng Negros Oriental Police Provincial Office, ang suspek na si Marcelo Rayoso Amantillo a.k.a. “Junior”, 42, residente ng Barangay Talay, Dumaguete City at kabilang sa High Value Individual (HVI).
Naaresto ang suspek bandang 6:30 ng gabi sa pinagsanib puwersa ng mga operatiba ng Dumaguete City Police Office, Provincial Drug Enforcement Unit, Negros Oriental Police Office (NOPPO); Regional Police Drug Enforcement (RPDEU) 7; Regional Intelligence Division (RID); PNP DEG-SOU 7; Regional Intelligence Unit (RIU); Dumaguete Maritime Police Station.
Nakumpiska kay Amantillo ang nasa 403.58 gramo ng hinihinalang shabu na may Standard Drug Price na Php2,744,344, isang motor, cellphone, sling bag at buy-bust money.
Nahaharap ang suspek sa kasong paglabag sa Section 5 at 11, Article II ng RA 9165 o ang Comprehensive Dangerous Drugs Act of 2002.
Ang Negros Oriental PNP ay patuloy sa kampanya kontra ilegal na droga upang makamit ang kaayusan at kapayapaan sa buong probinsya.
