Butuan City – Isinagawa ng Butuan City Mobile Force Company ang service caravan na Pulis-on-wheels sa Brgy. Pianing, Butuan City nito lamang Biyernes, Oktubre 28, 2022.
Ang aktibidad ay pinangunahan nina Police Colonel Marco Archinue, Officer-In-Charge ng Butuan City Police Office at Police Major Charlie Kedyam, Officer-In-Charge ng Butuan City Mobile Force Company.
Dumalo rin ang iba’t ibang ahensya ng gobyerno upang suportahan ang naturang programa gaya ng Department of Health (DOH), Department of Agriculture (DA), Department of Social Welfare and Development (DSWD), Department of Public Works and Highways (DPWH), City Environment and Natural Resources Office (CENRO) Butuan, City Legal Office, Philippine Army, Army Reserve Command ng 4th Infantry Division, ACCERT, KKDAT, NTF-ELCAC at iba pang pribadong organisasyon.
Ang mga benepisyaryo ay nakatanggap ng foodpacks, canned goods, slippers at school supplies mula sa mga sumuporta sa programa, vitamins at gamot mula sa DOH, livelihood program ng TESDA, 50 piraso ng 45-days na sisiw ng DA, fruit bearing seedlings ng CENRO, legal services, libreng tuli, gupit at tooth extraction.
“Ako ay nagpapasalamat sa inyong mainit na pagtanggap at pagsuporta sa ating BCMFC -Pulis on wheels. Hangad po namin na maramdaman ninyo ang tunay na layunin namin at ito ay ang makamit natin ang kapayapaan na nagkakaisa. Nawa’y ito ay magsilbing inspirasyon na patuloy natin ang magandang nasimulan ng programang nakaangkla sa E.O. 70 o ang National Task Force to End Local Communist Armed Conflict (NTF-ELCAC) at ng peace and security framework ni Chief, PNP na MKK=K o Malasakit, Kaayusan Kapayapaan Tungo sa Kaunlaran,” pahayag ni PCol Archinue.
Panulat ni Patrolman Jhunel Cadapan/RPCADU13
