San Jose, Tacloban City – Matagumpay na naisagawa ang Bloodletting Activity sa Brgy. 8 San Jose, Tacloban City nito lamang ika-27 ng Oktubre 2022.
Ang naturang aktibidad ay pinangunahan ng Philippine Red Cross Leyte Chapter at masugid namang sinuportahan ng mga miyembro ng Aviation Security Unit 8 sa ilalim ng pangangasiwa ni Police Lieutenant Colonel Marjon Valdehuesa, OIC, maging ng mga tauhan ng 8th Infantry Division at mga residente ng naturang Barangay.
Naging makabuluhan ang aktibidad sapagkat ang mga nalikom na bags ng dugo ay tiyak na makakatulong upang mapunan ang pangangailangan ng supply ng dugo.
Ang ganitong aktibidad ay pumapaloob sa iisang mithiin ng kapulisan na makapagbigay ng serbisyong tunay at may malasakit.
