Cagayan de Oro City – Nasagip ng CDO PNP at Barangay Tanod ang isang lalaking nagtangkang tumalon sa Ysalina Bridge, Cagayan de Oro City nito lamang Huwebes, ika-27 ng Oktubre 2022.
Ayon kay Police Staff Sergeant Teddy Dorato na nakatalaga sa Cagayan de Oro City Police Office- Station 1 sa ilalim ng pamumuno ni Police Major Sebastian Chua Jr, Station Commander at Johny Bartolaba, Barangay Tanod ng nasabing lugar, na mayroong concerned citizen na nagreport tungkol sa isang lalaki na nagtangkang tumalon sa tulay.
Agad naman itong nirespondehan ng mga awtoridad at matagumpay na nasagip ang lalaki, at napag-alaman na mayroon itong depresyon dahil sa problema nito sa kalusugan.
Ang pagkakasagip sa lalaki ay bunga ng agarang aksyon ng Cagayan de Oro PNP at Barangay Tanod at pinapaalala ang pagpapanatili ng ugnayan sa ating mga mahal sa buhay lalo na kung nakakaranas ng matinding kalungkutan dahil sa mga pagsubok na pinagdadaanan.
Panulat ni Patrolman Edwin Baris/RPCADU 10
