Sinait, Ilocos Sur – Arestado ang isang Wanted Person sa ikinasang Manhunt Charlie Operation ng mga tauhan ng Ilocos Sur Police Provincial Office nitong ika-27 ng Oktubre, 2022.
Kinilala ni Police Major Franco Catalan, Hepe ng Sinait Municipal Police Station, ang suspek na si Emely Yacas Perez, 28, residente ng Brgy. Don Alejandro, Caoayan, Ilocos Sur.
Ayon kay PMaj Catalan, naaresto ang suspek sa bisa ng Warrant of Arrest sa kasong Attempted Murder na may inirekomendang piyansa na Php120,000.
Ayon pa kay PMaj Catalan, naaresto ang suspek bandang 10:50 ng umaga sa kanyang tinitirhan ng mga operatiba ng Sinait Municipal Police Station, Ilocos Sur Provincial Intelligence Unit, Caoayan Municipal Police Station, at 1st Ilocos Sur Provincial Mobile Force Company.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Philippine National Police sa kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Sinait Municipal Police Station
Panulat ni PSSg Bader Ceasar B. Ayco
