Nakatanggap ng tulong mula sa Aparri PNP ang pamilyang napinsala ang tahanan dahil sa lindol sa Brgy. Punta, Aparri, Cagayan nito lamang Martes, Oktubre 25, 2022.
Ayon kay Police Major Gil Pagulayan Jr., Hepe ng Aparri Police Station, matapos nilang makita ang kalagayan ng pamilya ay nag-ambag-ambag ang mga kapulisan sa kanilang himpilan at mga stakeholders upang makapagbigay ng tulong sa mga ito.
Nakatanggap ang mga benepisyaryo ng bigas at iba’t ibang groceries bilang paunang tulong mula sa nalikom ng kapulisan.
Lubos naman ang naging pasasalamat ng pamilya sa kanilang natanggap na relief packs mula sa PNP at stakeholders na para sa kanila ay malaking bagay para sa kanilang pang-araw-araw na pangangailangan.
Samantala, pinuri naman ni Police Colonel Gorospe, Provincial Director ng Cagayan Police Provincial Office ang kapulisan ng Aparri sa kanilang agarang pagresponde matapos ang 6.7 magnitude na lindol at sa inisyatibong pagbibigay ng tulong sa mga apektadong residente.
Source: Aparri Police Station
Panulat ni Police Staff Sergeant Mary Joy D Reyes
