San Manuel, Pangasinan – Arestado ng San Manuel PNP ang Top 1 Provincial Most Wanted Person sa kasong Illegal Recruitment nito lamang Oktubre 26, 2022.
Kinilala ni Police Major Edgar Allan Serquiña, Hepe ng San Manuel PNP, ang suspek na si Romel Saturno y Sta Cruz, 51, residente sa Brgy. San Juan, San Manuel, Pangasinan.
Ayon kay PMaj Serquiña, naaresto ang suspek bandang 10:14 ng umaga ng mga operatiba ng San Manuel Police Station, kasama ang Provincial Intelligence Unit, Regional intelligence Unit 1, Regional Intelligence Division PRO1, Regional Mobile Force Battalion 104th MC at 2nd Provincial Mobile Force Battalion MC (Tayug Base).
Ayon pa kay PMaj Serquiña, naaresto ang suspek sa bisa ng Warrant of Arrest sa kasong Illegal Recruitment (Art. 13 in relation to Art. 38(B) at 39(A) ng PD 2018 at RA 8042 as further amended by RA 100022 na walang kaukulang piyansa.
Ang San Manuel PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
Source: San Manuel, Police Station, Pangasinan
Panulat ni Patrolman Dennis P Carinal
