Mt. Province – Naghandog ng monthly educational assistance ang mga tauhan ng Mountain Province 2nd Provincial Mobile Force Company sa kanilang mga student-beneficiary sa Provincial Headquarters, Camp 1st Lt. Geronimo F. Montes, Mt. Province nito lamang Lunes, Oktubre 24, 2022.
Ayon kay Police Major Alyson Kalang-Ad, Officer-In-Charge ng Mt. Province Provincial Mobile Force Company, ito ay alinsunod sa programang Education Enhancement Program (EEP) na layuning matulungan kada buwan sa pinansyal na pangangailangan ang mga napiling student-beneficiary.
Ayon pa kay PMaj Kalang-Ad, ang kaunting halaga ay mula sa mga kontribusyon ng mga tauhan ng Mt. Province 2nd PMFC. Ito ay paraan ng ating pulisya upang mahikayat ang mga estudyante na pagbutihin ang pag-aaral at hindi umanib sa anumang kilusan.
Ang Mt. Province 2nd PMFC ay patuloy na tutulong at gagabay sa mga estudyante para sa ikabubuti ng kanilang kinabukasan.
Source: Mt. Province 2nd PMFC
