Cagayan de Oro City – Arestado ang isang suspek sa pananaksak sa 14-anyos na lalaki sa isinagawang Hot Pursuit Operation ng Cagayan de Oro City Police PNP sa Phase 2 Villa, Brgy. Gusa, Cagayan de Oro City nito lamang Lunes, Oktubre 25, 2022.
Kinilala ni Police Major Julius Saluta, Officer-In-Charge ng Cagayan de Oro City Police Office-Station 2, ang suspek na si Raul Lumamba, 18, at residente ng 4A Gusa, Cagayan de Oro City.
Ayon kay PMaj Saluta, bandang 11:50 ng umaga nang naaresto ang suspek ng mga operatiba ng Cagayan de Oro City Police Office-Station 2 katuwang ang Technical Support Unit Company ng Regional Mobile Force Battalion 10.
Nakumpiska ang isang sampung pulgada ng kutsilyo na ginamit sa pananaksak at inihahanda na ang kaukulang kaso laban sa suspek.
Ang pagkakahuli sa suspek ay resulta ng mabilis na aksyon ng Cagayan de Oro City PNP at pakikipagtulungan ng komunidad upang mabigyan ng hustisya ang biktima at maprotektahan ang komunidad sa anumang uri ng kriminalidad.
Panulat ni Patrolman Edwin Baris/RPCADU 10
