Calamba City, Laguna – Arestado ang Regional Most Wanted Person sa kasong Murder sa ikinasang Manhunt Operation ng Calamba City PNP nito lamang Sabado, Oktubre 22, 2022.
Kinilala ni Police Colonel Randy Glenn Silvio, Officer-In-Charge, Laguna Police Provincial Office, ang suspek na si Gudito Rebano, residente ng Calamba City, Laguna.
Ayon kay PCol Silvio, bandang 9:00 ng gabi naaresto ang suspek sa Brgy. Pansol, Calamba City, Laguna ng mga operatiba ng Calamba City Police Station sa bisa ng Warrant of Arrest sa kasong Murder.
Ang tulong at suporta ng mamamayan sa pulisya ay resulta sa matagumpay na pag-aresto sa mga taong nagtatago sa batas at upang mapanatili ang ligtas, maayos at tahimik na probinsya ng Laguna.
Source: Laguna Police Provincial Office
Panulat ni Police Staff Sergeant Donabel Dulin
